Energetıka mınıstriniń 2024 jylǵy 21 qazandaǵy buıryǵymen elektr energıasynyń shekti tarıfterine ózgerister engizildi, dep habarlaıdy Dalanews.kz.
Oǵan sáıkes, 2024 jylǵy 1 qarashadan bastap tarıfter ósedi. Atap aıtqanda: 1 kVtsaǵ úshin:
- birinshi top (B. Nurjanov atyndaǵy Ekibastuz GRES-1) – 8,05-ten 8,27 teńgege deıin;
- ekinshi top (Eýroazıalyq energetıkalyq korporasıasy) - 7,40 teńgeden 7,98 teńgege deıin;
- toǵyzynshy top ("Astana-Energıa" AQ) - 8,49 teńgeden 9,28 teńgege deıin;
- 12-top ("Qazaqstan alúmınıi" AQ) - 6,05 teńgeden 7,87 teńgege deıin;
- 18-top ("Stepnogor JEO" JSHS) - 22,58 teńgeden 28,97 teńgege deıin;
- 28-top ("Jańajol GTES" JSHS) - 11,44 teńgeden 11,85 teńgege deıin;
- 39-top ("Z-Energoortalyq" AQ) - 13,79 teńgeden 15,09 teńgege deıin;
- 48-top ("Qazhrom "TUK" AQ) – 7,59 teńgeden 10,67 teńgege deıin.
Sonymen qatar, tizimge jańa kompanıalar qosyldy, olardyń tarıfteri alǵash ret bekitilip otyr:
- 56-top - 43,92 teńge/kVtsaǵ;
- 57-top - 56,63 teńge/kVtsaǵ;
- 58-top - 26,08 teńge/kVtsaǵ;
- 59-top- 22,56 teńge/kVtsaǵ;
- 60-top - 3,07 teńge/kVtsaǵ.
Buıryq 2024 jylǵy 1 qarashadan bastap qoldanysqa engiziledi.
Buǵan deıin Almaty qalasynyń turǵyndary úshin elektr energıasynyń tarıfteri ýaqytsha tómendetilgen bolatyn. "Alataý Jaryq Kompanıasy" AQ tarıfteri:
- 2024 jylǵy 1-31 jeltoqsan aralyǵynda QQS-syz (-0,44%) 11,35 teńge/kVtsaǵ mólsherinde;
- 2025 jylǵy 1 qańtardan bastap 31 qarashaǵa deıin QQS-syz (-0,57%) 10,54 teńge/kVtsaǵ mólsherinde.
