Politsiia BQO-ǵa ushqyshsyz ushý apparaty qulaýyna qatysty pikir bildirdi, - dep habarlaidy Dalanews.kz.
18 naýryzda Batys Qazaqstan oblysy Tasqala aýdanynyń turǵyndary uzyndyǵy úsh metrge jýyq belgisiz apparat qulaǵanyn habarlady. Oqiǵa ornyna politsiia, aýdandyq ákimdik jáne tótenshe jaǵdai qyzmetkerleri jetti.
PD málimetinshe, ýákiletti organdarmen birlesip, ushqyshsyz ushý apparatyna uqsas zatty tabý deregi boiynsha tekseris júrgizip jatyr.
"Nysan shalǵai jerde, eldi mekenderden alys jerde qulady jáne eshqandai zaqym kelmegen, tutas kúide tabyldy. Oqiǵanyń barlyq mán-jaiy anyqtalyp jatyr", - dedi BQO PD ókili.
Aita keteiik, buǵan deiin de osyndai jaǵdai boldy. Áskeri sarapshy, tanymal jýrnalist Amangeldi Qurmetuly buǵan deiin osy týrasynda óz boljamyn aitty.
«Batys Qazaqstan oblysy jerine belgisiz apparat qulapty. Reseilik jáne otandyq birqatar media frantsýzdyń SAGEM kompaniiasy jasaǵan Crecerelle barlaý drony bolýy múmkin ekenin jazdy. Biraq Crecerelle ekinshi sýrette tur. Birinshi sýrettegi basqa dron. Frantsýz emes, reseilik «Orlan 10» ǵa uqsaidy negizi. Ashyq derek kózderinen Crecerelle-diń birinshi sýrettegige uqsas modifikatsiiasyn tappadym. Al «Orlan 10» oǵan birshama uqsaidy. Demek ótkende Resei jerindegi Qazaqstan munaiyna arnalǵan «Kropotkinskaia» munai aidaý stansasyna jasalǵan dron shabýylyna da sál kúmánmen qaraý kerek siiaqty», — dedi ol.
