"Qazaqstan temir joly" Ulttyq kompaniiasynyń derekterine sáikes, 2024 jylǵy qyrkúiekten 2025 jylǵy maýsymǵa deiingi aralyqta jańa astyq óniminiń eksportynyń kólemi 9 mln tonnany qurady, bul 2023–2024 jyldardaǵy sáikes kezeńmen salystyrǵanda 60%-ǵa kóp, dep habarlaidy Dalanews.kz.
QR Aýylsharýashylyǵy ministrligi baspasóz qyzmetiniń málimetinshe,astyqtyń basym bóligi Ózbekstanǵa, Tájikstanǵa jáne Iranǵa eksporttalǵan.
Eksporttyń negizgi baǵyttary dástúrli túrde Ortalyq Aziia men jaqyn shetel memleketteri bolyp tabylady:
- Ózbekstan — 3,3 mln tonna (+32%),
- Tájikstan — 1,2 mln tonna (+45%),
- Aýǵanstan — 309 myń tonna (+46%),
- Qyrǵyzstan — 233 myń tonna (+94%),
- Iran — 974 myń tonna (17,5 ese ósti),
- Ázirbaijan — 707 myń tonna (116 ese ósti).
"Eksport kóleminiń aitarlyqtai ósýi Qazaqstan astyq ónimderiniń syrtqy naryqtarda joǵary suranysqa ie ekenin jáne jetkizý geografiiasyn keńeitý men logistikalyq infraqurylymdy jańartý boiynsha qabyldanǵan sharalardyń tiimdiligin rastaidy", delingen vedomstvo habarlamasynda.
Iran men Ázirbaijanǵa jetkizý kóleminiń ósýi saýda-ekonomikalyq bailanystardyń keńeiýimen qatar, halyqaralyq kólik dálizderiniń damýyna bailanysty.
