Gýmanitarlyq júkte gigiena zattary men azyq-túlik, onyń ishinde konserviler, makaron, qoiytylǵan sút, keptirilgen jemister bar. Gýmanitarlyq kómekti Qazaqstannyń qarapaiym turǵyndary jinaǵan. Sonymen qatar osy gýmanitarlyq júktiń bir bóligin jinaýǵa «Pozitiv Úmit» qaiyrymdylyq qory kómektesken.
Soǵys bastalǵaly qazaqtar Ýkrainaǵa 200 tonnaǵa jýyq gýmanitarlyq kómek jinap, jóneltti. «Segiz júk kóliginiń beseýi Ýkrainaǵa keldi, gýmanitarlyq kómek muqtaj aimaqtarǵa taratyldy, eki júk kóligi áli jolda, al segizinshi júk kóligi búgin jiberildi» dedi Ýkrainanyń Qazaqstandaǵy elshisi Petr Vrýblevskii.
Sondai-aq, Ýkrainaǵa Qazaqstan halqynan 8 áýe reis, QR Úkimetinen 3 reis gýmanitarlyq kómek jiberildi.
– Soǵystyń eki aiynda 200 tonna gýmanitarlyq júk – óte kóp. Negizinen, munyń barlyǵy qazaqstandyqtar kún saiyn dúkennen satyp alyp keletin taýarlardyń shaǵyn partiialarynan jinalǵan. Onsyz biz, ýkraindyqtar, aman qalmas edik, – dedi Ýkrainanyń Qazaqstandaǵy elshisiniń áieli Oksana Vrýblevskaia.
Gýmanitarlyq kómek artylǵan júk kólikteri Ázirbaijan, Bolgariia, Túrkiia jáne Rýmyniia aýmaǵy arqyly ótedi. Jol shamamen eki aptaǵa sozylady. Júk kólikteri gýmanitarlyq kómekti Ýkraina aýmaǵyndaǵy iri habtarǵa jetkizedi, atap aitqanda, búgin jiberilgen júk kóligi Vinnitsaǵa jetýi kerek.
Habtarǵa túrli elderden kómek kelýde. Onda ol suryptalyp, muqtaj aimaqtarǵa ótinim boiynsha taratylady. Qajettilik kúnnen kúnge artýda.
– Bizge kún saiyn gýmanitarlyq kómek ákelýge bolady jáne ákelý kerek. Qazir jeke jáne balalar gigiena zattary, dári-dármek, kiim-keshek jáne aiaq kiim men tamaq ónimderine artyqshylyq beriledi. Mysaly, qazirgi ýaqytta biz Ýkrainadaǵy balalar úileri úshin bala kiimderin jinap jatyrmyz. Bul 2-10 jastaǵy balalarǵa arnalǵan zattar. Janýarlar azyǵyn da ákelýge bolady. Qazir Ýkrainadaǵy janýarlar saiabaǵy múlde qarajatsyz qaldy, – deidi Shtab eriktisi Aqniet Ámirqulov.
Qazirgi tańda Qazaqstannyń 11 óńirinde gýmanitarlyq kómek qabyldaý pýnkti ashylǵan. Olar – Qaraǵandy, Oral, Semei, Óskemen, Aqtaý, Túrkistan, Atyraý, Ekibastuz, Aqtóbe, Almaty jáne Nur-Sultanda.
