Jyl basynan beri Qazaqstan shekarasy arqyly deklaratsiialanbaǵan aqshany zańsyz alyp shyǵýǵa qatysty 681 derek anyqtaldy. Tárkilengen qarajattyń jalpy kólemi 6,9 mlrd teńgeni quraidy. Bul týraly Ulttyq qaýipsizdik komitetiniń Shekara qyzmeti habarlady, dep habarlaidy dalanews.kz.
Vedomstvo málimetinshe, shetelge iri kólemdegi qolma-qol aqshany zańsyz shyǵarýǵa jol bermeý baǵytyndaǵy jumystar turaqty túrde júrgizilip keledi.
Máselen, biyl 2 maýsym kúni Atyraý oblysyndaǵy «Qurmanǵazy» ótkizý beketinde tekserý kezinde Qazaqstan azamatynyń jeke júginen 299,6 myń AQSh dollary tabylǵan.
Al 3 maýsymda Jambyl oblysyndaǵy memlekettik shekarada 102,5 mln resei rýblin jasyryn alyp ótpek bolǵan alty shetel azamaty ustaldy.
Atalǵan faktiler boiynsha materialdar tiisti organdarǵa protsessýaldyq sheshim qabyldaý úshin joldandy.
UQK Shekara qyzmeti Qazaqstan zańnamasyna sáikes, respýblika aýmaǵynan 10 myń AQSh dollarynan asatyn qolma-qol aqshany deklaratsiiasyz alyp shyǵýǵa tyiym salynatynyn eske saldy.
