Pavlodar qalasynan Reseidiń Túmen qalasyna kóship barǵan Sasha jáne Ilona esimdi ápkeli-sińlili qyzdar mindetti orys tili testinen ótý balyn jinai almai, mektepke qabyldanbai otyr. Sonyń saldarynan olar qazir úide oqýǵa májbúr, dep habarlaidy Dalanews.kz Ulysmedia.kz-ke silteme jasap.
Qazaqstannan qonys aýdarǵan qyzdar Túmen qalasyndaǵy mektepterge qabyldaný úshin migranttarǵa arnalǵan orys tili boiynsha test tapsyrýy tiis bolǵan. Alaida komissiia olardyń bilim deńgeiin jetkiliksiz dep baǵalaǵan.
Osyǵan bailanysty Sasha men Ilona Resei Prezidenti Vladimir Pýtinge beineúndeý joldap, kómek surady.
"Qurmetti Vladimir Vladimirovich Pýtin! Meniń atym Sasha, jasym 8-de. Biz Qazaqstannan óz Otanymyzǵa bilim alý úshin kóship keldik. Alaida komissiia meni óz ana tilimdi bilmeidi dep sheshti. Men orys tilinen basqa til bilmeimin. Ótinemin, mektepke qabyldanýyma kómektesińiz", – delingen beineúndeýde.
Buǵan deiin Vladimir Pýtin shetelden qonys aýdarǵan orys tildi otandastar úshin eshqandai emtihan talaptary qoiylmaýy tiis ekenin málimdegen bolatyn. Ol 1 sáýirden bastap kúshine engen normalardy qaita qaraýdy tapsyrǵan.
Aita keteiik, Pavlodardan kóship barǵan qyzdardyń jaǵdaiy jalǵyz oqiǵa emes. Buǵan deiin de Qazaqstannan barǵan mektep oqýshysy reseilik sheneýnikterdiń qateligi saldarynan osyndai qiyndyqqa tap bolǵany habarlanǵan edi.
