Qazaqstannan jóneltilgen salmaǵy 6 tonna kúrish fitosanitarlyq baqylaýdan ótpei, jiberýshige qaitaryldy. Bul týraly Qyrǵyzstannyń Aýyl sharýashylyǵy ministrliginiń baspasóz qyzmeti habarlady, dep habarlaidy dalanews.kz.
Vedomstvo málimetinshe, 2026 jylǵy 1 maýsymda shekaradaǵy fitosanitarlyq baqylaý kezinde ónimnen zańbuzýshylyqtar anyqtalǵan.
Atap aitqanda, Ósimdikterdi himiialandyrý, qorǵaý jáne karantin departamentiniń Shý-Bishkek basqarmasy «Aq-Jol» beketinde júk sertifikatyndaǵy málimetterdiń kólik ilespe qujattaryndaǵy aqparatpen sáikes kelmeitinin anyqtaǵan.
Ministrlik málimetinshe, anyqtalǵan sáikessizdikterge bailanysty júk partiiasy keri qaitarylǵan.
«Atalǵan taýar partiiasy Eýraziialyq ekonomikalyq odaqtyń kedendik aýmaǵynda karantindik fitosanitarlyq baqylaýdy (qadaǵalaýdy) júzege asyrý tártibi týraly erejeniń 3.7-tarmaǵyna sáikes jiberýshige qaitaryldy», – dep habarlady ministrliktiń baspasóz qyzmeti.
