«World Business Consulting» qarjy piramidasy isi boiynsha halyqaralyq izdeýde bolǵan kúdikti Grýziiadan Qazaqstanǵa ekstraditsiialandy, dep habarlaidy dalanews.kz.
QMA-nyń Astana qalasy boiynsha departamenti atalǵan qarjy piramidasynyń qurylymdyq bólimshesin qurý jáne oǵan basshylyq etý faktisi boiynsha tergeýdi aiaqtaǵan.
Tergeý málimetinshe, kúdikti 2020 jyly azamattardy joǵary tabys ákeletin investitsiialyq baǵdarlamalarǵa qatysýǵa shaqyryp, olardyń qarajatyn tartqan. Alaida kompaniianyń mundai qyzmetpen ainalysýǵa litsenziiasy bolmaǵan jáne is júzinde investitsiialyq qyzmet júrgizbegen.
Salymshylardyń aqshasy qolma-qol qabyldanyp, býhgalterlik qujattarmen rásimdelmegen. Al zańdy qyzmettiń kórinisin qalyptastyrý úshin qatysýshylarǵa onlain-platformada jeke kabinetter ashylyp, onda jalǵan tabys kórsetkishteri kórsetilgen.
Tergeý barysynda anyqtalǵandai, qarjy piramidasyna tán shema qoldanylyp, burynǵy salymshylarǵa tólemder jańa qatysýshylardyń qarajaty esebinen júrgizilgen.
Jańa salymshylardy tartý úshin túrli tanystyrylymdar men úgit-nasihat sharalary uiymdastyrylyp, Birikken Arab Ámirlikteri men Túrkiiaǵa saparlar ótkizilgen.
QMA málimetinshe, quqyq qorǵaý organdarynyń der kezinde qabyldaǵan sharalarynyń arqasynda zańsyz shema bastapqy kezeńinde toqtatylǵan.
2024 jyly kúdiktige halyqaralyq izdeý jariialanyp, sot ony syrttai qamaýǵa alý týraly sanktsiia bergen. Al 2026 jyldyń qańtarynda ol Grýziia aýmaǵynda ustalyp, keiin Qazaqstanǵa ekstraditsiialanǵan.
Sottyń sanktsiiasymen kúdiktiniń jer ýchaskesine tyiym salyndy. Qylmystyq is sotqa joldandy.
Qarjylyq monitoring agenttiginiń málimetinshe, biyl jyl basynan beri elimizde 15 qarjy piramidasynyń qyzmeti toqtatyldy. Jábirlenýshilerge keltirilgen zalaldy óteý úshin uiymdastyrýshylardyń jalpy quny 662 mln teńge bolatyn múlkine tyiym salynǵan.
Sonymen qatar aldyn alý maqsatynda áleýmettik jelilerdegi 25 myńnan astam qatysýshysy bar 22 chat buǵattaldy, al «Kibernadzor» júiesi arqyly zańsyz kontent belgileri anyqtalǵan 1,1 myń sait pen akkaýnttyń jumysy toqtatyldy.
