Qaraǵandyda jekemenshik mektepterdegi hidjab máselesine qatysty jazba jariialaǵan muǵalim Jarqyn Ádikárimov jumysynan ketti, dep habarlaidy dalanews.kz.
Onyń áleýmettik jelidegi pikiri qoǵamda qyzý talqylanǵan edi.
Jarqyn Ádikárimov Oqý-aǵartý ministrliginiń jekemenshik mektepterde hidjab kiiýge qatysty málimdemesinen keiin Threads jelisinde jazba jariialap, Qazaqstanǵa "aýyr jaza" qajet ekenin jetkizgen.
"Qazaqtarǵa, Qazaqstanǵa Allanyń myqty bir azaby kerek bolyp tur. Kúshti bir ekonomikalyq zardap shegetin, ekonomikasy quldyrap ketetin. Iá, Alla, kúiretshi! Ámin", – dep jazdy ol áleýmettik jelidegi paraqshasynda.
Muǵalimniń bul pikiri áleýmettik jeli qoldanýshylarynyń narazylyǵyn týǵyzdy. Keiin pedagog jazbany emotsiiaǵa berilip jariialaǵanyn aityp, kópshilikten keshirim surady. Sondai-aq eline jamandyq tilemeitinin jetkizdi.
Qaraǵandy oblysynyń bilim basqarmasy muǵalimniń óz erkimen jumystan shyqqanyn habarlady. Qazirgi ýaqytta politsiia atalǵan jazbaǵa bailanysty tekserý júrgizip jatyr.
