Qazaqstan 2025 jyldyń sáýir aiyna deiin Syrdariia ózeni arqyly shamamen 11 mlrd tekshe metr sý alady. Bul týraly kelisimge Meketaralyq sý sharýashylyǵyn úilestirý komissiiasynyń 87-shi otyrysynda qol qoiyldy, dep habarlaidy Dalanews.kz.
Sý restýrstary jáne irrigatsiia ministrligi málimetinshe, otyrys Túrkimenstannyń Ashhabad qalasynda ótken. Kezdesýge Tájikstan, Túrkimenstan jáne Ózbekstannyń sý sharýashylyǵy vedomstvolarynyń basshylary qatysty. Al, Qyrǵyzstan eliniń ókilderi baqylaýshy retinde qatysty.
"Nátijesinde, 1 sáýirge deiin elimizdegi Shardara sý qoimasyna 11 mlrd tekshe metr sý keledi dep kútiledi. Bul 2025 jylǵy sýarý maýsymynda elimizdiń ońtústik aimaqtaryna qajet sý kólemin jinaqtaýǵa múmkindik beredi", – delingen ministrlik habarlamasynda.
Otyrysqa qatysýshylar Syrdariia jáne Amýdariia ózenderi basseinderindegi sý qoimalarynyń boljamdy jumys kestesin bekitti, sonymen qatar 2024-2025 jyldardyń kúzgi-qysqy kezeńine Ortalyq Aziia elderine sý berý kólemin aiqyndady.
"Kelissózder men birlesken jumystyń nátijesinde biz Syrdariia ózeni basseininde sýdy tiimdi bólýge qol jetkizdik. Sondai-aq, 86-shy otyrys qorytyndysy boiynsha birlesip atqarylǵan jumysqa oń baǵamdy bergim keledi. Atap aitqanda, Qyrǵyzstanmen sý-energetikalyq yntymaqtastyq týraly kelisimder júzege asyryldy, sondai-aq biyl sýarý maýsymynda "Bahri-Tochik" sý qoimasynyń jumys kestesin úilestirý boiynsha is-sharalar qabyldandy", – dedi vedomstvo basshysy Nurjan Nurjigitov.
MSShÚK kelesi, 88-shi otyrysy 2025 jyldyń birinshi toqsanynda Dýshanbe qalasynda ótedi.
