Tailandta Qazaqstanǵa bóten adamnyń qujatymen ushpaq bolǵan Shri-Lanka azamaty men onyń eki balasy ustaldy. Bul týraly jergilikti buqaralyq aqparat quraldary habarlady, dep habarlaidy dalanews.kz.
Aldyn ala málimet boiynsha, otbasy áýeli Tailandqa kelgen, keiin Malaiziiaǵa baryp, sol jerden Qazaqstanǵa ushýǵa árekettengen. Alaida áýejaidaǵy áýe kompaniiasynyń qyzmetkerleri qujattardaǵy sáikessizdikti baiqap, olardy reiske jibermegen.
Osydan keiin olar Mianmaǵa baryp, Qazaqstanǵa Bangkok arqyly qaita ushpaq bolǵan. Dál osy kezde Tailand quqyq qorǵaý organdary olardy qolǵa túsirdi.
Tekserý barysynda áiel men úlken ulynyń bóten adamdarǵa tiesili Malaiziia pasporttaryn paidalanǵany anyqtalǵan. Al kenje balanyń qolynda óz atyna rásimdelgen túpnusqa Malaiziia pasporty bolǵan.
Tergeý nusqasyna sáikes, bul oqiǵanyń artynda halyqaralyq zańsyz kóshi-qon shemasy bolýy múmkin. Boljam boiynsha, Shri-Lankadaǵy balalarǵa Malaiziiada zańsyz jolmen qujat rásimdelip, keiin olardy shynaiy pasporttar arqyly basqa elderge jiberý kózdelgen.
