Reseidiń Federaldyq qaýipsizdik qyzmeti (FSB) Qazaqstanǵa áskeri maqsatta paidalanylýy múmkin qozǵaltqyshtardy zańsyz alyp ótpek bolǵandardyń jolyn kesti, dep habarlaidy Dalanews.kz.
Resmi málimetke sáikes, Qorǵan oblysy boiynsha FSB basqarmasynyń materialdary negizinde Tiýmen kedeninde qylmystyq is qozǵalǵan. Kúdikti - Máskeý oblysynyń turǵyny.
Tergeý nusqasy boiynsha, ol deldal arqyly Qorǵan oblysynan toǵyz dizel qozǵaltqyshyn satyp alyp, olardy Qazaqstanǵa jóneltpek bolǵan. Alaida júk "Petýhovo" halyqaralyq avtokólik ótkizý beketinde tekserý kezinde qolǵa tústi. Qozǵaltqyshtar tiisti ruqsat qujattarynsyz tasymaldanǵandyqtan, tárkilendi.
FSB dereginshe, atalǵan qozǵaltqyshtar tehnikalyq sipattamalaryna bailanysty áskeri nemese qarý-jaraq tehnikasyn jasaýǵa qoldanylýy múmkin jabdyq sanatyna jatady. Soǵan qaramastan, kásipker eksportqa qajetti litsenziiany rásimdemegen jáne júktiń saraptamalyq baqylaýǵa jatatynyn deklaratsiiada kórsetpegen.
Osyǵan bailanysty kúdiktige qosarlanǵan maqsattaǵy taýardy kontrabandalaý baby boiynsha aiyp taǵyldy. Bul bap boiynsha 5 jyldan 10 jylǵa deiin bas bostandyǵynan aiyrý jáne 1 million rýblge deiin aiyppul qarastyrylǵan.
