Qazaqstan 2026 jyldyń 1 qyrkúieginen bastap el aýmaǵyna alma ákelýge ýaqytsha tyiym engizdi. Aýyl sharýashylyǵy ministrliginiń málimetinshe, bul shekteý otandyq baý-baqsha sharýashylyǵyn qoldaý jáne importqa táýeldilikti azaitý maqsatynda qabyldanǵan, dep habarlaidy dalanews.kz.
Ministrlik jariialaǵan buiryqqa sáikes, Qazaqstan Respýblikasynyń aýmaǵyna úshinshi elderden jáne Eýraziialyq ekonomikalyq odaqqa (EAEO) múshe memleketterden almany barlyq kólik túrimen ákelýge 2026 jyldyń 31 jeltoqsanyna deiin tyiym salynady.
Sonymen qatar, Qazaqstan aýmaǵy arqyly almany tranzittik tasymaldaýǵa ruqsat berilgen. Alaida mundai tasymaldar tiisti qujattar bolǵan jaǵdaida ǵana júzege asyrylady.
Aýyl sharýashylyǵy ministrligi ýaqytsha shekteý otandyq jemis ósirýshilerdi qoldaý úshin engizilgenin atap ótti.
«Alma importyna ýaqytsha tyiym salý baý-baqsha sharýashylyǵyn damytýǵa jáne importqa táýeldilikti tómendetýge baǵyttalǵan. Sonymen qatar aýyl sharýashylyǵy taýaryn óndirýshilerdi yntalandyrýǵa arnalǵan birqatar sharalar qabyldanyp jatyr», – dep habarlady vedomstvo.
Ministrliktiń pikirinshe, bul sheshim qazaqstandyq baǵbandardyń ónimin ótkizýge qolaily jaǵdai jasap, ishki naryqtaǵy jergilikti ónim úlesin arttyrýǵa múmkindik beredi.
