Qazaqstannyń Konstitýtsiialyq soty ákelikti daýlaý quqyǵyna qatysty zań normasyn tekseredi, dep habarlaidy dalanews.kz.
Qazirgi zań boiynsha er adam balanyń biologiialyq ákesi emes ekenin bile tura, ózin ákesi retinde tirketse, keiin bul sheshiminen bas tartyp, ákeligin sot arqyly joqqa shyǵara almaidy. Sot onyń mundai talabyn qanaǵattandyrmaidy.
Konstitýtsiialyq sotqa júgingen azamat bul shekteý otbasy, múlik jáne muragerlik quqyqtaryna áser etedi dep esepteidi. Sonymen birge áke retinde tirkelgen adamǵa balany asyraý jáne tárbieleý mindetteri júkteledi.
Endi Konstitýtsiialyq sot qoldanystaǵy talaptyń Ata zańǵa sáikestigin tekseredi. Ázirge ákelikten bas tartýǵa ruqsat berilgen joq, túpkilikti sheshim keiin qabyldanady.
