2026 jylǵy 1 maýsymdaǵy jaǵdai boiynsha qazaqstandyqtardyń bankter aldyndaǵy jalpy bereshegi 25,48 trln teńgege jetti. Bul týraly Ulttyq banktiń analitikalyq sholýynda aitylǵan, dep habarlaidy dalanews.kz.
Málimetke sáikes, qaryzdardyń basym bóligin tutynýshylyq nesieler quraidy. Qazaqstandyqtar tutynýshylyq maqsattarǵa 17,08 trln teńge kóleminde nesie alǵan. Bul jalpy bereshektiń shamamen 67 paiyzy.
Al ipotekalyq nesielerdiń kólemi 7,32 trln teńgege jetken. Budan bólek, ózge maqsattarǵa berilgen nesielerdiń jalpy somasy 1,08 trln teńgeni quraidy.
Óńirler boiynsha eń kóp nesie Almaty qalasynyń turǵyndaryna tiesili. Megapolis turǵyndarynyń bank aldyndaǵy bereshegi 7,54 trln teńgege jetken.
Ekinshi orynda Astana qalasy tur. Elorda turǵyndarynyń nesiesi 4,17 trln teńgeni qurasa, úshinshi orynda Shymkent qalasy ornalasqan. Bul qaladaǵy nesie kólemi 2,03 trln teńgege jetken.
