2025 jyly Astana, Almaty jáne Shymkent turǵyndary jan basyna shaqqandaǵy sý tutyný kólemin ótken jylmen salystyrǵanda azaitqan. Bul rette atalǵan qalalarda halyq sanynyń ósýi jalǵasyp jatyr, dep habarlaidy dalanews.kz.
Sý resýrstary jáne irrigatsiia ministrliginiń málimetinshe, Astanada bir adamnyń ortasha jyldyq sý tutynýy 70,9 tekshe metrden 67,8 tekshe metrge deiin tómendegen. Almatyda bul kórsetkish 73,3 tekshe metrden 69,1 tekshe metrge qysqarsa, Shymkentte 63,7 tekshe metrden 62,5 tekshe metrge azaiǵan.
Ministrlik muny halyq arasynda sý únemdeý mádenietin qalyptastyrý baǵytyndaǵy jumystardyń nátijesi dep baǵalap otyr.
Vedomstvonyń málimetinshe, sý resýrstaryn uqypty paidalanýǵa arnalǵan «Sýdy únemde – bolashaqty saqta» jobasy qazirdiń ózinde 3,3 millionnan astam mektep oqýshysyn, kolledj jáne joǵary oqý oryndarynyń stýdentterin qamtyǵan.
Ministrlik ókilderi sý únemdeý mádenietin damytý eldegi sý resýrstaryn tiimdi paidalanýǵa jáne bolashaqtaǵy sý tapshylyǵynyń aldyn alýǵa yqpal etetinin atap ótti.
