25 sáýir kúni saǵat 09:00-den 13:00-ge deiin Qazaqstannyń barlyq onkologiialyq ortalyqtarynda Ashyq esik kúni ótedi, dep habarlaidy dalanews.kz.
Is-shara aiasynda elimizdiń kez kelgen turǵyny dáriger-onkologtyń qabyldaýyna joldamasyz jáne aldyn ala jazylmai-aq bara alady. Sharanyń negizgi maqsaty – qaterli isikterdi erte kezeńde anyqtaý. Mamandardyń aitýynsha, aýrý erte anyqtalsa, emdeý tiimdiligi artyp, naýqastyń ómir súrý sapasyn saqtaýǵa múmkindik joǵary bolady.
Ashyq esik kúni aiasynda qazaqstandyqtarǵa mynadai qyzmetter tegin kórsetiledi:
onkolog jáne basqa da beiindi mamandardyń keńesi;
onkologiialyq aýrýlardyń aldyn alý boiynsha usynymdar;
meditsinalyq kórsetilim bolǵan jaǵdaida bastapqy tekserý;
jetekshi onkologtardyń qabyldaýy;
qajet bolǵan jaǵdaida diagnostikalyq zertteýler;
turǵyndardy qyzyqtyrǵan suraqtarǵa jaýap;
salaýatty ómir saltyn ustaný jáne densaýlyqty saqtaý jónindegi keńester.
Qabyldaýǵa kelgen azamattardyń ózimen birge jeke kýáligi bolýy qajet.
