2026 jyldyń II toqsanynda júrgizilgen zertteý nátijesine sáikes, Qazaqstanda 9,4 mln adam jumyspen qamtylǵan, dep habarlaidy dalanews.kz.
Onyń ishinde 7,3 mln adam jaldamaly jumys istese, 2,1 mln adam ózin-ózi jumyspen qamtyǵan. Bul týraly Ulttyq statistika biýrosy habarlady. Eldegi jumyspen qamtylǵandardyń 16,8%-y saýda salasynda jumys isteidi.
Odan keiingi oryndarda bilim berý jáne ónerkásip salalary tur. Bilim berý salasynda jumyspen qamtylǵandardyń úlesi 13,3%-dy qurasa, ónerkásipte bul kórsetkish 12,4%-ǵa jetken.
Sondai-aq qazaqstandyqtardyń edáýir bóligi aýyl sharýashylyǵynda eńbek etedi. Bul sektordaǵy jumyspen qamtylǵandardyń úlesi 10,5%-dy quraidy. Al kólik jáne qoimalaý salasynda – 7,1%, qurylys salasynda – 6,8%, densaýlyq saqtaý jáne áleýmettik qyzmet kórsetý baǵytynda – 6,6% halyq jumys isteidi.
Jumyspen qamtylǵandardyń salalar boiynsha úlesi:
- Saýda – 16,8%
- Bilim berý – 13,3%
- Ónerkásip – 12,4%
- Aýyl sharýashylyǵy – 10,5%
- Kólik jáne qoimalaý – 7,1%
- Qurylys – 6,8%
- Densaýlyq saqtaý jáne áleýmettik qyzmet kórsetý – 6,6%
Osylaisha, Qazaqstandaǵy eńbek naryǵynyń negizgi bóligin saýda, bilim berý jáne ónerkásip salalary qurap otyr.
