2026 жылдың II тоқсанында жүргізілген зерттеу нәтижесіне сәйкес, Қазақстанда 9,4 млн адам жұмыспен қамтылған, деп хабарлайды dalanews.kz.
Оның ішінде 7,3 млн адам жалдамалы жұмыс істесе, 2,1 млн адам өзін-өзі жұмыспен қамтыған. Бұл туралы Ұлттық статистика бюросы хабарлады. Елдегі жұмыспен қамтылғандардың 16,8%-ы сауда саласында жұмыс істейді.
Одан кейінгі орындарда білім беру және өнеркәсіп салалары тұр. Білім беру саласында жұмыспен қамтылғандардың үлесі 13,3%-ды құраса, өнеркәсіпте бұл көрсеткіш 12,4%-ға жеткен.
Сондай-ақ қазақстандықтардың едәуір бөлігі ауыл шаруашылығында еңбек етеді. Бұл сектордағы жұмыспен қамтылғандардың үлесі 10,5%-ды құрайды. Ал көлік және қоймалау саласында – 7,1%, құрылыс саласында – 6,8%, денсаулық сақтау және әлеуметтік қызмет көрсету бағытында – 6,6% халық жұмыс істейді.
Жұмыспен қамтылғандардың салалар бойынша үлесі:
- Сауда – 16,8%
- Білім беру – 13,3%
- Өнеркәсіп – 12,4%
- Ауыл шаруашылығы – 10,5%
- Көлік және қоймалау – 7,1%
- Құрылыс – 6,8%
- Денсаулық сақтау және әлеуметтік қызмет көрсету – 6,6%
Осылайша, Қазақстандағы еңбек нарығының негізгі бөлігін сауда, білім беру және өнеркәсіп салалары құрап отыр.
