Qyrǵyzstannyń Ystyqkól jaǵalaýyndaǵy Bosteri aýylynda Qazaqstan azamaty men 14 jastaǵy jergilikti turǵyn arasynda janjal týyndap, oqiǵa sońy kúsh qoldanýǵa ulasqan, dep habarlaidy dalanews.kz.
Jergilikti aqparat quraldarynyń málimetinshe, zardap shekken jasóspirim aýyr halde aýrýhanaǵa jetkizilgen. Dárigerler oǵan miy shaiqalǵany jáne murny synǵany diagnozyn qoiǵan.
Kýágerlerdiń aitýynsha, janjal áieldiń demalyp otyrǵan jeriniń mańynda jatqan qoqysqa bailanysty bastalǵan.
Olardyń sózinshe, áiel aldymen balaǵat sózder aityp, qyzdyń moinynan ustaǵan. Ainaladaǵy adamdar arasha túsýge tyrysqanymen, ol: «Men áli ura da bastaǵan joqpyn», – dep, qyzdy jerge qulatyp, birneshe ret soqqy jasaǵan.
Sondai-aq kýágerler oqiǵadan keiin áieldiń bosatylǵanyn aitqan. Resmi organdar bul aqparatqa qatysty ázirge túsinikteme bergen joq.
