Qazaqstandyq sportshy Iasmina Toqsanbaeva 2026 jylǵy Aziia oiyndarynda sporttyq júristen márege birinshi bolyp jetkenimen, keiin onyń nátijesi joiyldy, dep habarlaidy dalanews.kz.
27 qyrkúiekte ótken jarysta Toqsanbaeva jeńimpaz atanǵan edi. Alaida keiin sportshynyń jabdyqtaryna qatysty tekseris júrgizilip, nátijesinde onyń kórsetkishi resmi túrde kúshin joidy.
Bul aqparatty sportshy óziniń Instagram paraqshasynda rastady.
«Osyndai qysqa qýanysh syilaǵanym úshin keshirim suraimyn. Men elge altyn medal syilaýdy qatty qaladym. Biraq Allanyń jazýy basqa boldy. Bul jaǵdai meni armanymnan bas tartqyza almaidy. Nátije joiyldy. Biz sońyna deiin kúrestik. Sońǵy sátke deiin men úshin janyn salǵan jandardyń bárine raqmet. Jeke jattyqtyrýshymnan bastap, Qazaqstan jeńil atletika federatsiiasynyń ujymyna jáne sport ministrine deiin qoldaý kórsetti. Búgin meni myń bólikke bólgendei boldy», – dep jazdy sportshy.
Qazaqstandyq atlet diskvalifikatsiialanǵannan keiin marafondyq qashyqtyqtaǵy sporttyq júristen altyn medal Qytai ókili Dantszin Tsiýitszýnǵa berildi. Kúmis júldeni taǵy bir qytailyq sportshy Li Ma ielense, qola medal japoniialyq Iýkiko Ýmenoǵa buiyrdy.
