2024 jylǵy tamyzdan 2026 jylǵy maýsymǵa deiin Qazaqstanda merzimdi áskeri qyzmet atqarǵan 82,1 myń azamattyń nesie tólemi keiinge shegerildi. Olardyń qarjy uiymdary aldyndaǵy qaryzynyń jalpy kólemi 23,5 mlrd teńgege jetken, dep habarlaidy dalanews.kz.
Qarjy naryǵyn retteý jáne damytý agenttiginiń qarjylyq saýattylyqty arttyrýǵa baǵyttalǵan "Fingramota" jobasynyń málimetinshe, qazirgi ýaqytta áskeri boryshyn ótep júrgen 30 myńǵa jýyq sarbaz atalǵan jeńildikti paidalanyp otyr. Olardyń 7,5 mlrd teńge kólemindegi nesiesi boiynsha tólem eseptelgenimen, óteý merzimi ýaqytsha shegerilgen.
Bul tetik sarbazdardyń áskeri qyzmet kezinde nesie tóleý mindetinen ýaqytsha bosatylýyna múmkindik beredi. Iaǵni qaryz joiylmaidy, tek ony óteý merzimi keiinge aýystyrylady.
Jeńildik áskeri qyzmet aiaqtalǵannan keiin de birden toqtamaidy. Sarbazdarǵa azamattyq ómirge beiimdelip, qarjylyq mindettemelerin qaita retteý úshin qosymsha ýaqyt beriledi.
Mamandar áskerden oralǵan azamattarǵa jeńildik merziminiń aiaqtalýyn kútpei, bankke nemese mikroqarjy uiymyna aldyn ala habarlasýǵa keńes beredi.
"Sarbazdar tólemdi bastaityn jańa kúndi naqtylap, qaryzyn jańartylǵan kestege sáikes ótegeni durys", - delingen málimette.
