Eńbek ministrligi otandyq kásiporyndardyń qazaqstandyqtarǵa jalaqy boiynsha 3,3 milliard teńge bereshegi baryn málimdedi, dep habarlaidy Dalanews.kz.
Memlekettik eńbek inspektorlary respýblikanyń 259 kásiporny 14,9 myń jumyskerge 3,3 milliard teńgeden astam somaǵa jalaqy tólemegenin anyqtady. Jalaqy boiynsha bereshegi bar kásiporyndardyń basshylaryna oryndaýǵa mindetti 222 uiǵarym berilip, 34,6 million teńgeden astam somaǵa aiyppul salyndy.
Sonymen qatar túrli uiymdarda júrgizilgen tekserýler barysynda 5,6 myńǵa jýyq eńbek quqyǵynyń buzylǵany belgili boldy. Qabyldanǵan sharalardyń nátijesinde 13,2 myńnan astam jumyskerdiń quqyqtary qorǵalyp, olarǵa 2,6 milliard teńge tólendi.
“2024 jylǵy 1 tamyzdaǵy derekter boiynsha memlekettik eńbek inspektorlary 4 245 tekserý júrgizdi, onyń barysynda 6 772 buzýshylyq anyqtaldy, onyń ishinde: eńbek salasynda – 5 007; eńbek qaýipsizdigi jáne eńbekti qorǵaý boiynsha – 1 703; halyqty jumyspen qamtý boiynsha – 62. Jumys berýshilerge 2 552 uiǵarym berilip, 321,9 million teńge somasyna 2 931 ákimshilik aiyppul salyndy. Qabyldanǵan sharalardyń nátijesinde 23 myń jumyskerdiń eńbek quqyǵy qorǵaldy”, – delingen habarlamada.
Budan bólek, eńbek zańnamasynyń saqtalýyna memlekettik baqylaýdy qamtamasyz etý máseleleri QR Eńbek jáne halyqty áleýmettik qorǵaý ministrliginiń erekshe baqylaýynda.
