Saiasattanýshy Dina Áikenova Qazaqstan men Qytai arasyndaǵy bailanysqa saiasi kózqarasyn bildirdi, dep habarlaidy Dalanews.kz.
"Drýjba vypýsnikov Výzov KNR" Youtube arnasyna bergen suqbatynda ol eki eldiń qazirgi jaǵdaiyna toqtaldy.
"Qytai uzaq jyldar boiy eshkimmen jaqyn qarym-qatynas ustanbady. Iaǵni, oqshaýlanǵan memleket boldy. Mysaly, Qazaqstanmen salystyratyn bolsaq, myna belgilerdi baiqaimyz. Pandemiia kezinde Qytai ekinshi nemese álemdegi birinshi ekonomika ma degen oi boldy. Bul protsess ekonomikalyq ósimge qatty áser etti. Bul jerde ekonomikalyq jaǵdaidy qosa alǵanda, Qytaidyń ártúrli deńgeide jumys isteitinine kóz jetkizýge bolady. Sonymen qatar olar belgili bir massamen de jumys istegenin baiqaimyz.
Máselen, kóshedigi kólikterdiń basym bóligi Qytaidan óndirilip jatqanyn bilemiz. Olarǵa qatysty osyndai mysaldardy jáne "bir poiyz, bir baǵyt" investitsiialyq jobalaryn atap ótýge bolady. Bul arqyly biz Qytaidyń ózgerip jatqanyn ári qazaqstandyqtardyń birinshi kezekte qytailarǵa degen ekonomikalyq oiy ózgergenin aita alamyz. Qazirgi tańda halqymyzdyń qytailardyń ónimine oń kózqarasy qalyptasqan. Mysaly, Qytai kólikteri – qazaqstandyqtar úshin qoljetimdi", - deidi saiasattanýshy.
Sońǵy 5 jylda Qazaqstan men Qytai arasyndaǵy bailanys aitarlyqtai jaqsarǵan. Bul oidy Áikenova joqqa shyǵarmady.
"Pandemiia kezinde shekaranyń jabylýyna bailanysty naryq aqsady. Osy kezde Resei men Qytaidan keletin ónimder qarqyny toqtap qaldy. Sońǵy eki jylda prezidentimizdiń basqa memleketterge jasaǵan shamamen 15-20 is-sapary jáne basqa memleket basshylarynyń bizdiń elimizge sapary bul máseleni retke keltirdi. Osylaisha ózge elder Ortalyq Aziia memleketteriniń sheńberindegi memlekettermen tyǵyz bailanys ornatqysy keldi. Onyń ishinde Qazaqstan da boldy.
Qazaqstan men Qytai arasyndaǵy bailanysqa keletin bolsaq, munda saiasi turǵydan qarym-qatynas jaqsara tústi. Eger qytailardan "eki el mundai deńgeige qalai jetti?" dep suraityn bolsa, onda qytai sarapshylary birinshi kezekte elimizdiń olardyń jeke basyna qatysty kórsetken durys qarym-qatynasyn atap aitar edi. Osyǵan bailanysty eki el arasynda sapaly bailanys ornady", - dedi ol.
Osy tusta ol memleket basshysy Qasym-Jomart Toqaevtyń bul ustanymy ári Qytaidan bólek basqa memlekettermen de sátti kelissóz júrgize alýy saiasi immidjge úlken ózgeris ákelip jatqanyn atap ótti.
"Bir jaǵynan alyp qaraityn bolsaq, osy jyly Qazaqstannyń basshylyǵymen ShYU ótti. Bunyń artynda úlken maǵyna jatyr. Atap aitatyn bolsam, memleket basshysy orta dárejedegi memleketterdiń daýysy halyqaralyq deńgeide shyqqanyn qalady dep oilaimyn", - dedi saiasattanýshy.
