ساياساتتانۋشى دينا ايكەنوۆا قازاقستان مەن جۇڭگو اراسىنداعى بايلانىسقا ساياسي كوزقاراسىن ءبىلدىردى، دەپ حابارلايدى Dalanews.kz.
"درۋجبا ۆىپۋسنيكوۆ ۆۋزوۆ كنر" Youtube ارناسىنا بەرگەن سۇقباتىندا ول ەكى ەلدىڭ قازىرگى جاعدايىنا توقتالدى.
"جۇڭگو ۇزاق جىلدار بويى ەشكىممەن جاقىن قارىم-قاتىناس ۇستانبادى. ياعني، وقشاۋلانعان مەملەكەت بولدى. مىسالى، قازاقستانمەن سالىستىراتىن بولساق، مىنا بەلگىلەردى بايقايمىز. پاندەميا كەزىندە جۇڭگو ەكىنشى نەمەسە الەمدەگى ءبىرىنشى ەكونوميكا ما دەگەن وي بولدى. بۇل پروسەسس ەكونوميكالىق وسىمگە قاتتى اسەر ەتتى. بۇل جەردە ەكونوميكالىق جاعدايدى قوسا العاندا، قىتايدىڭ ءارتۇرلى دەڭگەيدە جۇمىس ىستەيتىنىنە كوز جەتكىزۋگە بولادى. سونىمەن قاتار ولار بەلگىلى ءبىر ماسسامەن دە جۇمىس ىستەگەنىن بايقايمىز.
ماسەلەن، كوشەدىگى كولىكتەردىڭ باسىم بولىگى قىتايدان ءوندىرىلىپ جاتقانىن بىلەمىز. ولارعا قاتىستى وسىنداي مىسالداردى جانە "ءبىر پويىز، ءبىر باعىت" ينۆەستيسيالىق جوبالارىن اتاپ وتۋگە بولادى. بۇل ارقىلى ءبىز قىتايدىڭ وزگەرىپ جاتقانىن ءارى قازاقستاندىقتاردىڭ ءبىرىنشى كەزەكتە قىتايلارعا دەگەن ەكونوميكالىق ويى وزگەرگەنىن ايتا الامىز. قازىرگى تاڭدا حالقىمىزدىڭ قىتايلاردىڭ ونىمىنە وڭ كوزقاراسى قالىپتاسقان. مىسالى، جۇڭگو كولىكتەرى – قازاقستاندىقتار ءۇشىن قولجەتىمدى"، - دەيدى ساياساتتانۋشى.
سوڭعى 5 جىلدا قازاقستان مەن جۇڭگو اراسىنداعى بايلانىس ايتارلىقتاي جاقسارعان. بۇل ويدى ايكەنوۆا جوققا شىعارمادى.
"پاندەميا كەزىندە شەكارانىڭ جابىلۋىنا بايلانىستى نارىق اقسادى. وسى كەزدە رەسەي مەن قىتايدان كەلەتىن ونىمدەر قارقىنى توقتاپ قالدى. سوڭعى ەكى جىلدا پرەزيدەنتىمىزدىڭ باسقا مەملەكەتتەرگە جاساعان شامامەن 15-20 ءىس-ساپارى جانە باسقا مەملەكەت باسشىلارىنىڭ ءبىزدىڭ ەلىمىزگە ساپارى بۇل ماسەلەنى رەتكە كەلتىردى. وسىلايشا وزگە ەلدەر ورتالىق ازيا مەملەكەتتەرىنىڭ شەڭبەرىندەگى مەملەكەتتەرمەن تىعىز بايلانىس ورناتقىسى كەلدى. ونىڭ ىشىندە قازاقستان دا بولدى.
قازاقستان مەن جۇڭگو اراسىنداعى بايلانىسقا كەلەتىن بولساق، مۇندا ساياسي تۇرعىدان قارىم-قاتىناس جاقسارا ءتۇستى. ەگەر قىتايلاردان "ەكى ەل مۇنداي دەڭگەيگە قالاي جەتتى؟" دەپ سۇرايتىن بولسا، وندا جۇڭگو ساراپشىلارى ءبىرىنشى كەزەكتە ەلىمىزدىڭ ولاردىڭ جەكە باسىنا قاتىستى كورسەتكەن دۇرىس قارىم-قاتىناسىن اتاپ ايتار ەدى. وسىعان بايلانىستى ەكى ەل اراسىندا ساپالى بايلانىس ورنادى"، - دەدى ول.
وسى تۇستا ول مەملەكەت باسشىسى قاسىم-جومارت توقايەۆتىڭ بۇل ۇستانىمى ءارى قىتايدان بولەك باسقا مەملەكەتتەرمەن دە ءساتتى كەلىسسوز جۇرگىزە الۋى ساياسي يمميدجگە ۇلكەن وزگەرىس اكەلىپ جاتقانىن اتاپ ءوتتى.
"ءبىر جاعىنان الىپ قارايتىن بولساق، وسى جىلى قازاقستاننىڭ باسشىلىعىمەن شىۇ ءوتتى. بۇنىڭ ارتىندا ۇلكەن ماعىنا جاتىر. اتاپ ايتاتىن بولسام، مەملەكەت باسشىسى ورتا دارەجەدەگى مەملەكەتتەردىڭ داۋىسى حالىقارالىق دەڭگەيدە شىققانىن قالادى دەپ ويلايمىن"، - دەدى ساياساتتانۋشى.
