Qazaqstanda adamdardyń ortasha ómir súrý jasy artyp keledi. Bul týraly Ulttyq statistika biýrosy málimdedi, dep habarlaidy Dalanews.kz.
Resmi derekterge qaraǵanda, 2025 jyly qazaqstandyqtardyń ortasha ómir súrý uzaqtyǵy 75,97 jasqa jetken. Al 2024 jyly bul kórsetkish 75,44 jas bolǵan.
Qala turǵyndary aýyl halqyna qaraǵanda uzaq ómir súredi. Máselen, qalada bul kórsetkish 76,63 jas bolsa, aýylda – 74,81 jas.
Áielder erlerge qaraǵanda uzaq ómir súredi. 2025 jyly áielderdiń ortasha jasy 79,8 jasqa jetse, erlerdiń kórsetkishi 72,19 jas bolǵan.
Óńirler boiynsha eń joǵary kórsetkish Almaty (78,83 jas) men Astana qalalarynda (78,78 jas) tirkelgen. Al eń tómen kórsetkish Ulytaý oblysynda – 73,56 jas.
