قازاقستاندىقتاردىڭ ٶمٸر سٷرۋ ۇزاقتىعى ارتتى

قازاقستاندا ادامداردىڭ ورتاشا ٶمٸر سٷرۋ جاسى ارتىپ كەلەدٸ. بۇل تۋرالى ۇلتتىق ستاتيستيكا بيۋروسى مەلٸمدەدٸ, دەپ حابارلايدى Dalanews.kz.

رەسمي دەرەكتەرگە قاراعاندا, 2025 جىلى قازاقستاندىقتاردىڭ ورتاشا ٶمٸر سٷرۋ ۇزاقتىعى 75,97 جاسقا جەتكەن. ال 2024 جىلى بۇل كٶرسەتكٸش 75,44 جاس بولعان.

قالا تۇرعىندارى اۋىل حالقىنا قاراعاندا ۇزاق ٶمٸر سٷرەدٸ. مەسەلەن, قالادا بۇل كٶرسەتكٸش 76,63 جاس بولسا, اۋىلدا – 74,81 جاس.

ەيەلدەر ەرلەرگە قاراعاندا ۇزاق ٶمٸر سٷرەدٸ. 2025 جىلى ەيەلدەردٸڭ ورتاشا جاسى 79,8 جاسقا جەتسە, ەرلەردٸڭ كٶرسەتكٸشٸ 72,19 جاس بولعان.

ٶڭٸرلەر بويىنشا ەڭ جوعارى كٶرسەتكٸش الماتى (78,83 جاس) مەن استانا قالالارىندا (78,78 جاس) تٸركەلگەن. ال ەڭ تٶمەن كٶرسەتكٸش ۇلىتاۋ وبلىسىندا – 73,56 جاس.