2026 jyldyń 1 qańtarynan bastap Qazaqstanda zeinetaqy tólemderine salynatyn jeke tabys salyǵy tolyqtai alynyp tastaldy. Jańa Salyq kodeksine sáikes, endi zeinetaqy jinaqtarynan ai saiynǵy tólemderde de, birjolǵy sheship alýda da 10 paiyzdyq salyq ustalymy bolmaidy, dep habarlaidy Dalanews.kz inbusiness.kz saityna silteme jasap.
Sonymen qatar, buryn zeinetaqy jinaqtaryn baspana nemese emdelýge paidalanyp, salyqty keiinge qaldyrǵan azamattardyń mindettemeleri tolyq joiyldy. Iaǵni, memleket bul sanattaǵy qazaqstandyqtardyń salyq qaryzyn keshirdi.
Buǵan deiin azamattarǵa eki tańdaý usynylatyn: zeinetaqy qarajatyn alǵan kezde 10 paiyz salyqty birden tóleý nemese ony zeinetke shyqqan soń 16 jyl boiy bólip óteý. 2026 jyldan bastap keiinge qaldyrylǵan barlyq tólemder annýlirlendi.
Alaida buryn salyqty birden tólegenderge bul qarajat qaitarylmaidy. 2025 jyldyń sońyna deiin biýdjetke túsken tólemder qaita qaralmaidy.
Salyqtyq jeńildik tek Qazaqstan rezidentterine qatysty. Elden turaqty turýǵa ketken azamattar zeinetaqy jinaǵyn alǵan kezde jeke tabys salyǵyn burynǵydai tóleidi.
Úkimettiń baǵalaýynsha, bul ózgerister biýdjetke shamamen 4,1 mlrd teńge kóleminde túsimniń azaiýyna ákelýi múmkin. Degenmen bilik bul qadamdy áleýmettik turǵydan mańyzdy dep sanaidy.
