Halyq AES salý ıdeıasyna qalaı qaraıdy – áleýmettik saýalnamanyń nátıjeleri
22 avgýsta, 2024Basty jańalyqtar, İs sharalar
Qazaqstan Respýblıkasynyń Prezıdenti janyndaǵy Qazaqstannyń strategıalyq zertteýler ınstıtýtynyń tapsyrysy boıynsha 2024 jylǵy 7-18 tamyz aralyǵynda telefon arqyly saýalnama júrgizildi. İriktemeli jıyntyq kólemi 1200 respondentti qurady. Saýalnamaǵa 17 oblystan jáne respýblıkalyq mańyzy bar Astana, Almaty jáne Shymkent qalalarynan 18 jastan asqan respondentter qatysty.
Jalpy, saýalnamaǵa qatysqandardyń kópshiligi (53,1%) AES salý ıdeıasyn qoldaıdy. AES salý ıdeıasyn qoldaıtyndar oǵan úlken úmit artady, sonyń ishinde 2030 jylǵa qaraı elektr tapshylyǵy máselesi shishiledi dep senedi.
AES salý ıdeıasynyń qarsylastary (32,5%) negizinen yqtımal apattar men olardyń qorshaǵan ortaǵa tıgizetin zardaptaryna alańdaýshylyq tanytady.
Sonymen qatar árbir onynshy respondent (14,4%) óz tańdaýyn áli jasaǵan joq.
Sondaı-aq, respondentterdiń jartysy (51,0%) ózderin AES qurylysyna qatysty referendýmda «qoldaý» nemese «qarsy» dep daýys berý úshin jetkilikti aqparat pen bilim deńgeıine ıe dep sanaıdy. Respondentterdiń taǵy 12,2%-y tolyq emes aqparatqa ıe ekenin moıyndaıdy. Saýalnamaǵa qatysqandardyń 31,6%-y múldem eshqandaı aqparatqa ıe emes, al 5,2%-yna jaýap berý qıynǵa soqty.
Saýalnama barysynda respondentterdiń 42,6%-y AES salý máselesi boıynsha referendýmǵa qatysýǵa tolyqqandy nıet bildirdi. Taǵy 16,4%-y qatysý múmkindigin aıtty. Respondentterdiń 25,3%-y referendýmǵa qatyspaýdy josparlaıdy, 8,9%-y shamasy qatyspaıdy, al 6,8%-y jaýap berýge qınaldy.
Halyq AES salý ıdeıasyna qalaı qaraıdy – áleýmettik saýalnamanyń nátıjeleri
22 avgýsta, 2024
QR Prezıdenti janyndaǵy QSZI men Narhoz Ýnıversıtetiniń bilim berý jáne Big Data damytý salasyndaǵy yntymaqtastyq múmkindikteri
9 avgýsta, 2024
Qazaqstan Respýblıkasy Prezıdenti janyndaǵy Qazaqstannyń strategıalyq zertteýler ınstıtýty men Ózbekstan Respýblıkasy Prezıdenti janyndaǵy Strategıalyq jáne óńiraralyq zertteýler ınstıtýty arasyndaǵy Qazaqstan-Ózbekstan sarapshylar keńesin qurý jónindegi ózara túsinistik týraly memorandýmǵa qol qoıyldy
