حالىق اەس سالۋ يدەياسىنا قالاي قارايدى – الەۋمەتتىك ساۋالنامانىڭ ناتيجەلەرى
22 اۆگۋستا، 2024باستى جاڭالىقتار، ءىس شارالار

قازاقستان رەسپۋبليكاسىنىڭ پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ تاپسىرىسى بويىنشا 2024 جىلعى 7-18 تامىز ارالىعىندا تەلەفون ارقىلى ساۋالناما جۇرگىزىلدى. ىرىكتەمەلى جيىنتىق كولەمى 1200 رەسپوندەنتتى قۇرادى. ساۋالناماعا 17 وبلىستان جانە رەسپۋبليكالىق ماڭىزى بار استانا، الماتى جانە شىمكەنت قالالارىنان 18 جاستان اسقان رەسپوندەنتتەر قاتىستى.

جالپى، ساۋالناماعا قاتىسقانداردىڭ كوپشىلىگى (53،1%) اەس سالۋ يدەياسىن قولدايدى. اەس سالۋ يدەياسىن قولدايتىندار وعان ۇلكەن ءۇمىت ارتادى، سونىڭ ىشىندە 2030 جىلعا قاراي ەلەكتر تاپشىلىعى ماسەلەسى شىشىلەدى دەپ سەنەدى.

اەس سالۋ يدەياسىنىڭ قارسىلاستارى (32،5%) نەگىزىنەن ىقتيمال اپاتتار مەن ولاردىڭ قورشاعان ورتاعا تيگىزەتىن زارداپتارىنا الاڭداۋشىلىق تانىتادى.

سونىمەن قاتار ءاربىر ونىنشى رەسپوندەنت (14،4%) ءوز تاڭداۋىن ءالى جاساعان جوق.

سونداي-اق، رەسپوندەنتتەردىڭ جارتىسى (51،0%) وزدەرىن اەس قۇرىلىسىنا قاتىستى رەفەرەندۋمدا «قولداۋ» نەمەسە «قارسى» دەپ داۋىس بەرۋ ءۇشىن جەتكىلىكتى اقپارات پەن ءبىلىم دەڭگەيىنە يە دەپ سانايدى. رەسپوندەنتتەردىڭ تاعى 12،2%-ى تولىق ەمەس اقپاراتقا يە ەكەنىن مويىندايدى. ساۋالناماعا قاتىسقانداردىڭ 31،6%-ى مۇلدەم ەشقانداي اقپاراتقا يە ەمەس، ال 5،2%-ىنا جاۋاپ بەرۋ قيىنعا سوقتى.

ساۋالناما بارىسىندا رەسپوندەنتتەردىڭ 42،6%-ى اەس سالۋ ماسەلەسى بويىنشا رەفەرەندۋمعا قاتىسۋعا تولىققاندى نيەت ءبىلدىردى. تاعى 16،4%-ى قاتىسۋ مۇمكىندىگىن ايتتى. رەسپوندەنتتەردىڭ 25،3%-ى رەفەرەندۋمعا قاتىسپاۋدى جوسپارلايدى، 8،9%-ى شاماسى قاتىسپايدى، ال 6،8%-ى جاۋاپ بەرۋگە قينالدى.

حالىق اەس سالۋ يدەياسىنا قالاي قارايدى – الەۋمەتتىك ساۋالنامانىڭ ناتيجەلەرى
22 اۆگۋستا، 2024
ق ر پرەزيدەنتى جانىنداعى قسزي مەن نارحوز ۋنيۆەرسيتەتىنىڭ ءبىلىم بەرۋ جانە Big Data دامىتۋ سالاسىنداعى ىنتىماقتاستىق مۇمكىندىكتەرى
9 اۆگۋستا، 2024
قازاقستان رەسپۋبليكاسى پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى مەن وزبەكستان رەسپۋبليكاسى پرەزيدەنتى جانىنداعى ستراتەگيالىق جانە ءوڭىرارالىق زەرتتەۋلەر ينستيتۋتى اراسىنداعى قازاقستان-وزبەكستان ساراپشىلار كەڭەسىن قۇرۋ جونىندەگى ءوزارا تۇسىنىستىك تۋرالى مەموراندۋمعا قول قويىلدى