Qazaqstandyqtardan qarjy piramidasyna kriptoaktivter arqyly zańsyz tartylǵan 250 mln teńge shetelden qaitaryldy, dep habarlaidy Dalanews.kz.
Qarjylyq monitoring agenttiginiń habarlaýynsha, álemdik tájiribede mundai nátijege birneshe el ǵana qol jetkizgen. TMD keńistiginde alǵashqy bolyp Qazaqstan kriptoaktivter arqyly zańsyz tartylǵan aqshany qaitardy.
"Agenttik zamanaýi IT-quraldardy paidalana otyryp, 2,5 ai ishinde qazaqstandyqtardyń qarajatyn kriptovaliýtaǵa tartqan «Eolus» joǵary tehnologiialyq qarjy piramidasyn joidy. Elimizdiń 12 óńirinde (Almaty, Astana, Shymkent, Pavlodar, Óskemen, Aqtóbe, Atyraý, Qyzylorda, Oral, Kókshetaý, Jetisý, Túrkistan) 2,5 myńǵa jýyq salymshy tartyldy. Elordalyq uiymdastyrýshy múlki tárkilenip, 6 jylǵa bas bostandyǵynan aiyryldy", - dep habarlady QMA.
Qazaqstandyqtardyń qarjysyn kedergisiz iemdený úshin piramidyny uiymdastyrýshylar kóptegen tranzittik kripto ámiiandy paidalanǵan.
"Agenttiktiń qyzmetkerleri zamanaýi blokchein-analitikanyń quraldardyn paidalana otyryp, barlyq tranzaktsiiany anyqtap, qylmystyq kirister aǵylǵan negizgi ámiiandardy tapty. Urlanǵan qarajat Agenttiktiń arnaiy shotyna aýdarylyp, odan ári jábirlenýshi azamattarǵa keltirilgen zalaldy óteý úshin paidalanylady", - dep habarlady agenttik.
QMA qylmystyq aktivterdi qaitarý jáne basqa da alaiaqtyq jobalar boiynsha osy praktikany qoldanýdy josparlap otyr.
