Qarasha aiynyń qorytyndysy boiynsha Qazaqstandaǵy aiyrbastaý pýnktterinde AQSh dollaryn satý kólemi qazanmen salystyrǵanda 0,8% paiyz ósip, 234,7 mlrd teńgeni qurady. Bul týraly Ulttyq banktiń derekterinde kórsetilgen, dep habarlaidy Dalanews.kz.
Never.Aqsha telegram arnasynyń málimetinshe, jyldyq mánde amerikalyq valiýta boiynsha operatsiialar kólemi 2,8% paiyz artqan.
"Eýroǵa degen suranys ta saqtalyp tur. Qarashada respýblika boiynsha eýronyń taza satylymy 14,2 mlrd teńgeni qurady. Sonymen qatar fýnt sterling (421,5 mln teńge) jáne qytai iýani (135,4 mln teńge) boiynsha da azdaǵan oń saldo tirkeldi", - deidi derekkóz.
Al reseilik valiýta boiynsha keri úrdis baiqalady. Qarasha aiynda rýblmen júrgizilgen operatsiialardyń teris nettosy 18,6 mlrd teńgege jetti, bul aiyrbastaý pýnktterinde halyqtyń rýbldi jappai satqanyn bildiredi. Bir ai buryn bul kórsetkish 32,1 mlrd teńge bolǵan. Rýbl boiynsha teris saldo 2024 jylǵy jeltoqsannan beri úzdiksiz saqtalyp keledi.
Qolma-qol aqsha operatsiialarynyń eń úlken kólemi dástúrli túrde iri qalalarǵa tiesili. Astanada dollardyń taza satylymy 16,8 mlrd teńgeni, Almatyda – 103,1 mlrd teńgeni, Shymkentte – 36,6 mlrd teńgeni qurady. Osy qalalarda rýbldi ótkizý kólemi de eń joǵary deńgeide tirkelgen.
