Qazaqstanda 2025 jyly kazino men býkmekerlik keńselerdegi stavkalardyń ainalymy shamamen 4,7 trln teńge boldy, dep habarlaidy Dalanews.kz.
Ulttyq statistika biýrosynyń málimetinshe, 2025 jyly Qazaqstanda qumar oiyndar men bás tigý salasynda kórsetilgen qyzmet kólemi 473,4 mlrd teńgeni quraǵan, dep habarlaidy Ulysmedia.kz.
Statistikada tek operatorlardyń oiynnan túsetin tabysy ǵana esepke alynǵan. Eger býkmekerlik naryqtaǵy ortasha marja shamamen 10 paiyz dep eseptelse, onda 2025 jyly stavkalardyń jalpy ainalymyn shamamen 4,7 trln teńge dep baǵalaýǵa bolady.
Aldyńǵy jyldardaǵy kórsetkishter mynadai:
– 2022 jyl – shamamen 5,5 trln teńge;
– 2023 jyl – shamamen 3,7 trln teńge;
– 2024 jyl – shamamen 4,8 trln teńge.
2023 jyly qyzmet kólemi aldyńǵy jylmen salystyrǵanda aitarlyqtai azaiǵan. Máselen, 2022 jyly bul kórsetkish 553,7 mlrd teńge bolsa, 2023 jyly 368,7 mlrd teńgege deiin tómendegen.
Sarapshylardyń pikirinshe, belsendiliktiń bir bóligi ofshorlyq jáne litsenziialanbaǵan onlain-platformalarǵa, sondai-aq statistikada esepke alynbaityn ózge de shemalarǵa aýysqan bolýy múmkin.
