Sońǵy jyldary Qytailyq avtokólikterdiń Qazaqstanda tanymaldyǵy artyp barady. Alaida, olardyń sapasyna qatysty tutynýshylardyń shaǵymdary da kóbeiýde, dep habarlaidy Dalanews.kz Tutynýshylardyń quqyqtaryn qorǵaý komitetine siltep.
2024 jyly Saýda jáne integratsiia ministrliginiń Tutynýshylardyń quqyqtaryn qorǵaý komitetine (QR SIM TQQK) jáne onyń óńirlik departamentterine «Temir tulparlarǵa» qatysty 57 ótinish túsken. Bul – bir jyl ishinde avtomobilderge qatysty tirkelgen 144 shaǵymnyń árbir onynshysy.
- Qozǵaltqysh qorabynyń aqaýlary;
- Elektronika men salqyndatý júiesindegi kemshilikter;
- Avtokólik sipattamalarynyń kórsetilgen talaptarǵa sáikes kelmeýi siiaqty shaǵymdar tirkelýde.
Komitettiń derekteri boiynsha, keibir tutynýshylar kólikti avtosalonǵa qaitarýǵa májbúr bolǵan. Al, basqa jaǵdailarda óńirlik departamentterdiń aralasýymen avtosalondar aqaýy bar bólshekterdi óz esebinen jóndeýge nemese aýystyrýǵa mindetteldi.
Avtosalondarǵa qatysty shaǵymdar qandai óńirlerde jii tirkeldi?
Qazaqstannyń barlyq óńirinde tutynýshylardyń quqyqtaryn qorǵaý departamentteri avtokólik ieleriniń máselelerin sheshýge atsalysty.
- Astana (6 shaǵym) jáne Almaty (9 shaǵym) – eń kóp shaǵymdar tirkelgen megapolis qalalarda. Munda departamentter sot protsesterine qatysyp, kelissózder arqyly daýlardy sheshýge kómektesti.
- Aqmola oblysy (2 shaǵym) – qozǵaltqyshty aýystyrý jáne 9,99 mln teńgege deiingi iri somaǵa qatysty máseleler qarastyryldy.
- Almaty oblysy (3 shaǵym) – bir kólik aiyrbastalyp, qalǵan eki kólik boiynsha qarjy qaitaryldy.
- Aqtóbe oblysy (1 shaǵym) – sot sheshimimen 16 mln teńgeden astam qarjy, onyń ishinde aiyppul jáne moraldyq ótemaqy óndirildi.
- Atyraý (5 shaǵym) jáne ShQO (4 shaǵym) – tutynýshylarǵa quqyqtyq kómek kórsetildi, jospardan tys tekserýler júrgizildi, bir jaǵdaida 7,04 mln teńge qaitaryldy.
- Jetisý oblysy (3 shaǵym) – 8 mln.teńge kólemindegi kólik aqaýy jóndelip, qalǵandary qaralýda.
- BQO (4 shaǵym) – 7,1 mln teńge tutynýshyǵa qaitaryldy.
- Qaraǵandy oblysy (3 shaǵym) – tutynýshylarǵa shaǵym daiyndaýda quqyqtyq qoldaý kórsetildi.
- Qostanai oblysy (7 shaǵym) – ártúrli markalar boiynsha eń kóp shaǵym tirkelgen óńir, kóbinese shaǵymdar men saraptamalar júrgizýge kómek kórsetildi.
- Mańǵystaý oblysy (1 shaǵym) – tutynýshynyń shaǵymy qanaǵattandyryldy.
- Pavlodar oblysy (4 shaǵym) – bir jaǵdaida sot arqyly 11 mln teńge óndirildi.
- Túrkistan oblysy (2 shaǵym) – máseleler jazbasha ótinishter arqyly sheshildi.
- SQO (2 shaǵym) – bir avtokólik jóndeldi, ekinshi shaǵym boiynsha is sotqa jiberildi.
- Ulytaý oblysy (2 shaǵym) – sotqa jetpei sheshildi.
- Shymkent (5 shaǵym) – kóp jaǵdaida qarjy qaitaryldy, bir is sotta qaralýda.
Komitet jáne onyń óńirlik departamentteri avtokólik satyp alýshylarǵa kelesi keńesterdi usynady:
Óndirýshi men avtokólik modeli týraly tolyq aqparatty muqiiat zertteńiz;
Basqa tutynýshylardyń pikirlermen tanysyp shyǵyńyz;
Kepildik sharttaryn muqiiat oqyp shyǵyńyz;
Qujattarsyz jáne kepildiksiz kólik satyp almańyz;
Eger kólikte aqaý bolyp shyqsa, aldymen dilerge nemese satýshyǵa jazbasha shaǵym jiberińiz.
Eger diler 10 jumys kúni ishinde jaýap bermese nemese máseleni sheshýden bas tartsa, TQQK-niń óńirlik departamentteri tutynýshylarǵa quqyqtyq keńes berýge, talap aryzdy durys rásimdeýge jáne qajet bolǵan jaǵdaida sotta tutynýshynyń múddesin qorǵaýǵa kómektesedi.
