Dástúrli túrde, 21-25 naýryz aralyǵynda qazaqstandyqtar arasynda eń tanymal demalys túrleriniń biri kino tamashalaý boldy. Ivi onlain kinoteatry demalys kúnderi kórermenderdiń jii qaraǵan filmderiniń reitingin jariialady, dep habarlaidy Dalanews.kz.
«Zimorodok» túrik dramasy osy joly rekord ornatty. Qazaqstandyqtardyń bul kino kartinaǵa degen qyzyǵýshylyǵy birneshe jyldan beri basylar emes. Bai otbasynda ósken, ishkeni aldynda ishpegeni artynda, erke ári symbatty Ferittiń oqiǵasy osy naýryzda Qazaqstanda qaralymdar boiynsha birinshi orynǵa shyqty.
Qaralym boiynsha Qazaqstandyq Top-5-ke «Davaite sedem», Coco&Janbo, «Batyr iz proshlogo», «Beskonechnaia svadba» jáne «Jol» komediialary endi.
Resei kinosy da qazaqstandyqtardyń shynaiy qyzyǵýshylyǵyn týdyrady. Bizdiń kórermenderdiń súiikti filmderi qatarynda, «Holop 2», «Konets slavy», «Chebýrashka» jáne «Nevskii», «Inspektor Gavrilov» telehikaialary bar.
Túrik telehikaialary áli de Qazaqstandaǵy eń tanymal baǵyttardyń qatarynda. Kósh basynda ataqty «Velikolepnyi vek», «Zapah klýbniki», «Kliýkvennyi sherbet» jáne «Postýchis v moiý dver» telehikaialary kórermenniń kóz aiymy.
Naýryz kúnderi qazaqstandyqtar arasynda tanymal sheteldik filmder reitingin amerikalyq «Iz glýbiny» trilleri, italiandyq «Bolshaia gonka. Aýdi protiv Lianchi» sport hikaiasy, qytailyq «Missiia v Moskve», frantsýzdyq «Dogmen» trilleri jáne ońtústik koreialyq «Armiia mertvyh v Pýsane» kinokartinasy qurady.
Ivi ókilderi mereke kúnderi komediialyq janrdy kórý uzaqtyǵynyń úlesi 7,55% - ǵa deiin, al komediia kórýshilerdiń sany 11,50% - ǵa deiin artqanyn atap ótti. Bul rette mereke kúnderi Ivi servisin paidalanýdyń ortasha táýliktik jalpy uzaqtyǵy 11,37% - ǵa ósken.
"Jyl saiyn biz kóktemgi Naýryz merekesin Qazaqstandaǵy kórermenderimizben bólisýge qýanyshtymyz. Biz Ivi katalogyn álemniń túkpir — túkpirinen eń qyzyqty kontentpen jáne filmdermen tolyqtyrýdy jalǵastyramyz jáne qazaqstandyq kino platformada kóbirek bolady", — dep atap ótti Ivan Grinin, Ivi onlain-kinoteatry direktorynyń kontent jónindegi orynbasary.
