2025 jyldyń kúzinde qazaqstandyqtar qosymsha eki kún demalady. Bul memlekettik merekelerge baılanysty belgilengen, dep habarlaıdy Dalanews.kz.
Bıyl 30 tamyz – Qazaqstan Respýblıkasynyń Konstıtýsıasy kúni senbige túsip otyr. Osyǵan baılanysty bul kúnniń demalysy 1 qyrkúıek, dúısenbige aýystyrylady. Iaǵnı, bes kúndik jumys kestesimen eńbek etetin qazaqstandyqtar úshin 1 qyrkúıek resmı demalys bolady.
Eske sala keteıik, Qazaqstan Konstıtýsıasy 1995 jyldyń 30 tamyzynda jalpy halyqtyq referendým arqyly qabyldanǵan bolatyn. 2022 jyly Ata zańnyń 33 babyna 56 túzetý engizilip, oǵan da halyq referendým arqyly qoldaý bildirgen edi.
Qazan aıynda úsh kún qatarynan demalys bolady
Sonymen qatar bıyl 25 qazan Respýblıka kúni senbige týra keledi. Sondyqtan bul kúnniń demalysy 27 qazanǵa aýystyrylady. Osylaısha, bes kúndik jumys isteıtin qazaqstandyqtar qatarynan úsh kún 25, 26 jáne 27 qazan kúnderi demalady. Al alty kúndik jumys aptasy bar qyzmetkerler úshin 27 qazan – jumys kúni bolyp qala beredi.
Aıta keteıik, 1990 jyldyń 25 qazanynda Qazaq KSR Joǵarǵy Keńesi memlekettik egemendik týraly deklarasıany qabyldady. Bul kún 1995 jyldan bastap ulttyq mereke retinde atalyp ótti. Alaıda 2009 jyldan keıin resmı mereke mártebesinen aıyrylǵan edi. 2022 jyly Prezıdent Qasym-Jomart Toqaevtyń bastamasymen Respýblıka kúnine ulttyq mereke mártebesi qaıtaryldy.
Qarashada qosymsha demalys bolmaıdy.
