"Quqyqtyq media ortalyq" qoǵamdyq uiymynyń direktory Diana Okremova elimizdegi memlekettik qarajattyń qaida jáne qalai jumsalyp jatqanyn sóz etti, dep habarlaidy Dalanews.kz.
Okremovanyń aitýynsha, qazaqstandyq salyq tóleýshilerdiń qarjysy reseilikterdiń múddesine jumsalyp jatyr.
"Ótken jyly Qazaqstannyń Esep komiteti Mádeniet jáne aqparat ministrligi men onyń qaramaǵyndaǵy mekemelerdiń memlekettik qarajatty paidalanýyna qatysty esep júrgizgen bolatyn. Zertteý nátijesinde 4 milliard teńge reseilik saiasi mazmundy Qazaqstanda kórsetýge jumsalǵany, al 2,5 milliard teńge qazaq telearnalaryn Reseide taratýǵa baǵyttalǵany anyqtaldy. Bul qarajattyń maqsatsyz jumsalǵany týraly Esep komitetiniń qorytyndysy da bar," - dep málimdedi Okremova.
Onyń aitýynsha, mundai shyǵyndar Qazaqstannyń aqparattyq qaýipsizdigine qater tóndirip, memlekettik qarjynyń tiimsiz jumsalýyna sebep bolýy múmkin.
"Qazaqstan aýmaǵynda reseilik telearnalardyń taralýy halyqtyń kózqarasyna, qoǵamdyq pikirge áser etýi yqtimal. Ásirese, saiasi jáne halyqaralyq máselelerde birjaqty aqparat berý arqyly halyqtyń oilaý júiesine teris yqpal etý qaýpi bar. Bul jaǵdai ulttyq múddege qarsy áreketterge itermeleýi de ǵajap emes. Mysaly, sheteldegi qaqtyǵystardy tek bir qyrynan kórsetý halyqtyń sanasyn ýlaýy múmkin," - dep eskertti Okremova.
Onyń aitýynsha, mundai shyǵyndar qazaqstandyqtardyń múddelerine sai kelmeidi. Sondyqtan bul qarjynyń qalai jáne ne maqsatta jumsalǵanyn naqty tekserý jáne onyń esebin talap etý oryndy bolmaq.
Osylaisha, Qazaqstandaǵy aqparattyq keńistikti syrtqy yqpaldan qorǵaý qajettiligi jáne memlekettik qarajattyń maqsatty ári tiimdi paidalanylýy basty nazarda bolýy tiis.
