Qazaqstandyqtar kóbine qai elge jumys isteýge ketip jatyr? Bul saýalǵa Eńbek jáne halyqty áleýmettik qorǵaý ministrliginiń ókili jaýap berdi, dep habarlaidy Dalanews.kz.
Kóshi-qon komitetiniń tóraǵasy Áset Shonovtyń aitýynsha, keiingi eki jylda Qazaqstanda kóshi-qon saldosy oń kórsetkishti kórsetip otyr. 2025 jyldyń II toqsanynyń qorytyndysy boiynsha kóshi-qon saldosy +7,7 myń adam bolǵan.
"Elge 11,3 myń adam kelse, 3,5 myń adam elden ketken. Kóshi-qon ósimi negizinen elder arasynda TMD elderi men Qytaiǵa tiesili. Sonymen qatar, jahandaný úderisiniń áserinen bilikti kadrlardyń ketý úrdisi áli de saqtalyp otyr. Qazaqstan azamattary negizinen Reseige (8,7 myń adam), Germaniiaǵa (2 myń adam) ketedi", – dedi ol.
Budan bólek Koreiada, Ulybritaniiada jumys istep júrgender bar. Dese de, ministrlik málimetinshe, 2023 jyldan bastap shetelge jumys isteý maqsatynda ketetin Qazaqstan azamattarynyń sany tómendegeni baiqalady.
"2025 jyldyń birinshi jartyjyldyǵynyń qorytyndysy boiynsha shetelde jumys isteitin Qazaqstan Respýblikasynyń azamattarynyń sany – 126 531 adam. Qazaqstan azamattarynyń basym bóligi Resei Federatsiiasynda (102 460 adam), Koreia Respýblikasynda (15 790 adam), BAÁ-de (2 997 adam), Ulybritaniiada (1 912 adam) eńbek etip júr", – dedi Áset Shonov.
