Qazaqstandyqtar endi Qatarda resmı túrde eńbek ete alady. Senat eki el arasyndaǵy qazaqstandyq azamattardy Qatar memleketinde jumysqa ornalastyrý tártibin retteıtin kelisimdi ratıfıkasıalady, dep habarlaıdy Dalanews.kz.
Bul qujat qazaqstandyqtarǵa shetelde zańdy túrde jumys isteýge múmkindik berip, eki taraptyń ózara mindettemelerin belgileıdi.
Kelisimge sáıkes Qatardaǵy jumys berýshiler qyzmetkerlerdiń jol júrý jáne elge qaıtý shyǵyndaryn óz moınyna alady. Sondaı-aq, olardy turǵyn úımen, kólikpen, medısınalyq saqtandyrýmen jáne aqyly demalyspen qamtamasyz etýge tıis.
Qujatta eńbek sharttarynyń talaptary men taraptar arasyndaǵy is-qımyldy úılestirý tetikteri qarastyrylǵan. Sonymen qatar, týyndaıtyn máselelerdi sheshý úshin birlesken komıtet qurý josparlanyp otyr.
