Ýkraına drondary Reseıdiń Lenıngrad oblysyndaǵy Ýst-Lýga portyna soqqy jasady. Bul port arqyly shetelge munaı jóneltiledi, onyń ishinde qazaqstandyq shıkizat ta bar. Aldyn ala derekterge saı "Novatek" kompanıasyna tıesili iri gaz óńdeý kesheni zardap shekken, dep habarlaıdy Dalanews.kz.
Ýst-Lýga portynan qazaqstandyq munaıdy eksporttaýdy "QazTransOıl" atqaryp keledi. Sondaı-aq, osy núkte arqyly Eýropaǵa qazaqstandyq kómir de jetkiziledi.
Qazaqstan Energetıka mınıstrliginiń málimetinshe, bul shabýyl qazaqstandyq shıkizattyń syrtqa shyǵýyna kedergi keltirmegen.
"Qoldaǵy aqparatqa sáıkes keshe Ýst-Lýga portyna jasalǵan dron shabýyly eksportqa áser etken joq. Júk tasymaly ádettegi tártippen júrip jatyr", – dep habarlady mınıstrliktiń baspasóz qyzmeti.
