Qazaqstandyq jýrnalist Andrei Chebotarev Ýkrainanyń "jaýlarynyń" tizimine endi degen aqparat tarady. Onyń derekteri "Mirotvorets" saitynyń bazasyna engizildi degen de aqparat bar, - dep habarlaidy Dalanews.kz.
Derekkóz málimetine súiensek, Andrei Chebotarev Reseidiń "Ritm Evrazii" atty propagandalyq basylymynyń shtattan tys tilshisi ekeni aitylady, onda Qazaqstannyń ishki saiasatyna qatysty maqalalar da jariialanady eken. Chebotarev TMD elderi týraly tapsyryspen materialdar jazatyny týraly da derekter bar.
"Chebotarevtiń bul tizilimge qosylýy onyń Ýkrainaǵa qarsy aqparattyq operatsiialarǵa belsendi qatysýyna bailanysty bolyp otyr. Sonymen qatar, jýrnalist Qazaqstan, Ýkraina jáne TMD-nyń basqa memleketterine qatysty aqparatty manipýliatsiialaýǵa mamandanǵan "Baraeva", "TMD kompromaty", "Vzgliad na Vostok" jáne t.b. siiaqty birqatar arna arqyly jalǵan aqparat taratýmen júieli túrde ainalysady", - dep jazylǵan kazpress.kz dereginde.
Sonymen qatar, tizimge "Ritm Evrazii" basylymynyń basqa qyzmetkerleri de engen degen aqparat bar. Olardyń ishinde Rýbtsov Iýrii, Namovir Ilia, Morozov Anton sekildi jýrnalister atalady.
