Qazaqstandyq avtorlar qoǵamy sotta Nazarbaev qorynan jeńilis tapty, - dep habarlaidy Dalanews.kz.
Nege.Aqsha Telegram-arnasy málimetinshe, avtorlyq qoǵam qordan belgili fotograf Konstantin Kikvidzege Oliver Stoýnnyń eks-prezident týraly derekti filminde kadrlar paidalanǵany úshin 26,9 million teńge tóleýdi talap etken.
"2019 jylǵy jeltoqsanda ulttyq kinony qoldaý memlekettik ortalyǵy Global 3 Pictures sheteldik kompaniiasynan bekitilgen stsenarii boiynsha Nazarbaev týraly filmge tapsyrys bergen. Oryndaýshy derekti filmniń álemdik premeralaryn, sondai-aq, onyń halyqaralyq oryndarda kórsetilýin uiymdastyrýǵa jáne ótkizýge mindettelgen. OCCRP málimetteri boiynsha, kinokartina óndirisi Nazarbaev qorynan tólendi jáne kem degende 5 million dollar turady.
2020 jylǵy tamyzda filmge qatysty quqyqtar qorǵa berildi. Global 3 Pictures bas atqarýshy direktory Igor Lopatenok film 2019 jyldan 2022 jylǵa deiin túsirilgenin málimdedi. Kikvidze jetkizýshilerdiń biri boldy: ol óz komandasymen birge 2020 jyldyń maýsym-shilde ailarynda Aqtaýdan Almatyǵa túsirilim ekspeditsiiasyn uiymdastyrýy kerek edi, ol úshin oǵan 16,2 mln teńge tólendi", - dep jazylǵan arna málimetinde.
Sonymen qatar, derekte COVID-19 pandemiiasyna bailanysty ekspeditsiia júzege asyrylmaǵany aitylady.
"Buǵan deiin aitylǵan somanyń bastapqy jarnasy qaitarylǵan joq. Onyń ornyna Kikvidze olarǵa ekspeditsiia kezinde túsirilgen kadrlardy berdi. Kompaniia bul materialdy filmde paidalandy. Kikvidze osy materialdy litsenziialaýǵa qatysty eshqandai qujat rásimdegen joq. Kaliforniia shtatynyń zańdary boiynsha Global 3 Pictures bul materialǵa qatysty barlyq quqyqqa ie, óitkeni Kikvidzeniń de, onyń kompaniiasynyń da osy múlikke menshik quqyǵyn alýǵa quqyǵy joq" dedi Lopationok", - dep keltirdi arna bul týraly derekti.
Osylaisha sot avtorlyq qoǵamnyń Nazarbaev qoryna degen talabyn qabyldamaǵan.
