قازاقستاندىق اۆتورلار قوعامى سوتتا نازاربايەۆ قورىنان جەڭىلىس تاپتى، - دەپ حابارلايدى Dalanews.kz.
Nege.Aqsha Telegram-ارناسى مالىمەتىنشە، اۆتورلىق قوعام قوردان بەلگىلى فوتوگراف كونستانتين كيكۆيدزەگە وليۆەر ستوۋننىڭ ەكس-پرەزيدەنت تۋرالى دەرەكتى فيلمىندە كادرلار پايدالانعانى ءۇشىن 26،9 ميلليون تەڭگە تولەۋدى تالاپ ەتكەن.
"2019 جىلعى جەلتوقساندا ۇلتتىق كينونى قولداۋ مەملەكەتتىك ورتالىعى Global 3 Pictures شەتەلدىك كومپانياسىنان بەكىتىلگەن سەناريي بويىنشا نازاربايەۆ تۋرالى فيلمگە تاپسىرىس بەرگەن. ورىنداۋشى دەرەكتى ءفيلمنىڭ الەمدىك پرەمەرالارىن، سونداي-اق، ونىڭ حالىقارالىق ورىنداردا كورسەتىلۋىن ۇيىمداستىرۋعا جانە وتكىزۋگە مىندەتتەلگەن. OCCRP مالىمەتتەرى بويىنشا، كينوكارتينا ءوندىرىسى نازاربايەۆ قورىنان تولەندى جانە كەم دەگەندە 5 ميلليون دوللار تۇرادى.
2020 جىلعى تامىزدا فيلمگە قاتىستى قۇقىقتار قورعا بەرىلدى. Global 3 Pictures باس اتقارۋشى ديرەكتورى يگور لوپاتەنوك فيلم 2019 جىلدان 2022 جىلعا دەيىن تۇسىرىلگەنىن مالىمدەدى. كيكۆيدزە جەتكىزۋشىلەردىڭ ءبىرى بولدى: ول ءوز كومانداسىمەن بىرگە 2020 جىلدىڭ ماۋسىم-شىلدە ايلارىندا اقتاۋدان الماتىعا ءتۇسىرىلىم ەكسپەديسياسىن ۇيىمداستىرۋى كەرەك ەدى، ول ءۇشىن وعان 16،2 ملن تەڭگە تولەندى"، - دەپ جازىلعان ارنا مالىمەتىندە.
سونىمەن قاتار، دەرەكتە COVID-19 پاندەمياسىنا بايلانىستى ەكسپەديسيا جۇزەگە اسىرىلماعانى ايتىلادى.
"بۇعان دەيىن ايتىلعان سومانىڭ باستاپقى جارناسى قايتارىلعان جوق. ونىڭ ورنىنا كيكۆيدزە ولارعا ەكسپەديسيا كەزىندە تۇسىرىلگەن كادرلاردى بەردى. كومپانيا بۇل ماتەريالدى فيلمدە پايدالاندى. كيكۆيدزە وسى ماتەريالدى ليسەنزيالاۋعا قاتىستى ەشقانداي قۇجات راسىمدەگەن جوق. كاليفورنيا شتاتىنىڭ زاڭدارى بويىنشا Global 3 Pictures بۇل ماتەريالعا قاتىستى بارلىق قۇقىققا يە، ويتكەنى كيكۆيدزەنىڭ دە، ونىڭ كومپانياسىنىڭ دا وسى مۇلىككە مەنشىك قۇقىعىن الۋعا قۇقىعى جوق" دەدى لوپاتونوك"، - دەپ كەلتىردى ارنا بۇل تۋرالى دەرەكتى.
وسىلايشا سوت اۆتورلىق قوعامنىڭ نازاربايەۆ قورىنا دەگەن تالابىن قابىلداماعان.
