Qazaqstandyq JASA TEAM komandasynyń músheleri Omar Áserbekov pen Grigorii Shýkin Alpidegi eń kúrdeli klassikalyq baǵyttardyń birin baǵyndyrǵan alǵashqy qazaqstandyqtar atandy, dep habarlaidy Dalanews.kz.
Olar Bern Alpilerindegi Eiger shyńyna (3 970 m) Hekmaierdiń klassikalyq baǵyty arqyly kóterildi. Bul - álemdik alpinizmdegi eń áigili ári tehnikalyq jaǵynan kúrdeli baǵyttardyń biri. 1935 jyldan beri munda 60-tan asa adam qaza tapqan.
Shyńǵa kóterilý eki jarym kúnge sozylǵan. Olar úshinshi kúni aman-esen tómenge túsken.
Aita keteiik, Eiger ataýy nemis tilinen aýdarǵanda "adam jegish" degen maǵynany bildiredi. Onyń soltústik qabyrǵasynda 1935 jyldan beri keminde 64 alpinist qaza tapqan. HH ǵasyrda baspasózde bul baǵyt "Ólim qabyrǵasy" degen atpen keńinen tanyldy.
