قازاقستاندىق JASA TEAM كومانداسىنىڭ مۇشەلەرى ومار اسەربەكوۆ پەن گريگوريي ششۋكين الپىدەگى ەڭ كۇردەلى كلاسسيكالىق باعىتتاردىڭ ءبىرىن باعىندىرعان العاشقى قازاقستاندىقتار اتاندى، دەپ حابارلايدى Dalanews.kz.
ولار بەرن الپىلەرىندەگى ەيگەر شىڭىنا (3 970 م) حەكمايەردىڭ كلاسسيكالىق باعىتى ارقىلى كوتەرىلدى. بۇل - الەمدىك الپينيزمدەگى ەڭ ايگىلى ءارى تەحنيكالىق جاعىنان كۇردەلى باعىتتاردىڭ ءبىرى. 1935 جىلدان بەرى مۇندا 60-تان اسا ادام قازا تاپقان.
شىڭعا كوتەرىلۋ ەكى جارىم كۇنگە سوزىلعان. ولار ءۇشىنشى كۇنى امان-ەسەن تومەنگە تۇسكەن.
ايتا كەتەيىك، ەيگەر اتاۋى نەمىس تىلىنەن اۋدارعاندا "ادام جەگىش" دەگەن ماعىنانى بىلدىرەدى. ونىڭ سولتۇستىك قابىرعاسىندا 1935 جىلدان بەرى كەمىندە 64 الپينيست قازا تاپقان. حح عاسىردا باسپاسوزدە بۇل باعىت "ءولىم قابىرعاسى" دەگەن اتپەن كەڭىنەن تانىلدى.
