Qazaqstanda taksi júrgizýshilerine jańa talap engizildi. Endi olar qyzmetin bastamas buryn kóligi týraly tolyq málimet kórsetýge mindetti bolady, dep habarlaidy dalanews.kz.
Ulttyq ekonomika ministrligi taksi tasymaldaýshylarynyń habarlama berý qaǵidalaryna ózgeris engizdi. Buǵan deiingi tártipte tasymaldaýshy naqty kólikpen bailanystyrylmaǵandyqtan, jol-kólik oqiǵasy kezinde jaýapty tulǵany anyqtaý qiyn bolǵan.
Endi habarlama formasyna kóliktiń markasy, memlekettik tirkeý nómiri jáne shyǵarylǵan jyly engiziledi.
Ministrlik bul ózgeris taksi qyzmetin kórsetetin tasymaldaýshylardy jedel anyqtaýǵa, jolaýshylar qaýipsizdigin kúsheitýge jáne zańsyz tasymaldaýshylardyń úlesin azaitýǵa múmkindik beretinin málimdedi.
Sondai-aq jańartylǵan júie avtopark ózgergen jaǵdaida kólikti aýystyrýǵa nemese jańasyn qosýǵa múmkindik beredi.
