Aldaǵy on jyl ishinde jasandy intellekttiń yqpaly Qazaqstandaǵy barlyq jumys kúshiniń shamamen 41%-yna áser etedi. Bul týraly Eńbek jáne halyqty áleýmettik qorǵaý ministrligi málimdedi, dep habarlaidy dalanews.kz.
Vedomstvonyń málimetinshe, tolyqtai avtomattandyrý qaýpi tóngen jumys oryndarynyń úlesi 1%-dan az. Bul mamandyqtardyń jappai joiylýyn emes, olardyń ishindegi mindetter men fýnktsiialardyń qaita qurylatynyn kórsetedi.
Eńbek jáne halyqty áleýmettik qorǵaý ministri Asqarbek Ertaev búginde jasandy intellekt eńbek naryǵyn burynǵy tehnologiialyq revoliýtsiialarmen salystyrǵanda áldeqaida jyldam ózgertetinin aitty.
Onyń sózinshe, buǵan deiin eńbek saiasaty kóbine týyndaǵan máselelerge jaýap berý qaǵidatymen qurylǵan. Iaǵni adam jumysynan aiyrylsa – qaita daiarlaý uiymdastyrylady, óndiristik jazataiym oqiǵa bolsa – baqylaý kúsheitiledi.
«Jańa jaǵdailarda mundai tásil jetkiliksiz. Sondyqtan álem elderiniń eńbek ministrlikteri saldarmen kúresýden ózgeristerdi aldyn ala boljaýǵa jáne derekter negizinde táýekelderdi basqarýǵa kóshýi qajet», – dedi ministr.
Sonymen qatar 2026 jyldyń birinshi toqsanynda 15 jastan joǵary halyq arasyndaǵy jumyspen qamtý deńgeii 64,1%-dy qurady. Al jumys kúshine shaqqandaǵy jumyspen qamtý kórsetkishi 95,5% bolǵan.
Mindetti zeinetaqy jarnalary negizinde eseptelgen derekterge sáikes, 2025 jyldyń tórtinshi toqsanynda jumyspen qamtylǵan halyq sany 5,559 million adamǵa jetken. Bul Qazaqstan halqynyń jalpy sanynyń 27,1%-yna teń.
