2026 jylǵy 1 shildedegi jaǵdai boiynsha Qazaqstanda tirkelgen avtokólik sany 6 mln 25,9 myńǵa jetti. Bul týraly Ulttyq statistika biýrosy málimdedi, dep habarlaidy dalanews.kz.
Vedomstvonyń málimetinshe, maýsym aiynda elimizde 167 878 kólik quraly esepke qoiylǵan. Bul mamyr aiymen salystyrǵanda 13,7%-ǵa kóp.
Jańadan tirkelgen kólikterdiń 87,4%-yn jeńil avtokólikter qurasa, 5,7%-y júk kólikteri, al 0,9%-y avtobýstar boldy.
Otyn túrine qarai alǵanda, Qazaqstandaǵy avtokólikterdiń basym bóligi – 81,1%-y benzinmen júredi. Dizel otynyn paidalanatyn kólikterdiń úlesi 6,5%, gibridti kólikter – 6,7%, al elektr qýatymen júretin kólikter – 1,7%. Sonymen qatar 5 851 kólik quralynyń qandai otyn túrin paidalanatyny týraly aqparat kórsetilmegen.
Statistikaǵa sáikes, avtokólik eń kóp tirkelgen óńirler qatarynda Almaty qalasy (733,3 myń kólik) men Almaty oblysy (646,3 myń kólik) kósh bastap tur.
