Qazaqstanda 2026 jyldyń tamyz aiynda jyldyq infliatsiia deńgeii 9,8%-dy qurady. Bul týraly Ulttyq statistika biýrosy málimdedi, dep habarlaidy dalanews.kz.
Statistikaǵa sáikes, bir jyl ishinde azyq-túlik taýarlarynyń baǵasy 9,5%-ǵa, azyq-túlikke jatpaityn taýarlar 11,4%-ǵa, al aqyly qyzmetterdiń quny 8,9%-ǵa ósken.
Sonymen qatar keibir taýarlardyń baǵasy aitarlyqtai arzandaǵan. Máselen, baklajannyń baǵasy bir jylda 46,8%-ǵa tómendese, qiiar 39,9%-ǵa, qyzanaq 13,6%-ǵa arzandaǵan. Alma baǵasy da 10,6%-ǵa tómendegen.
Turmystyq tehnika sanatynda elektr burǵylary men buraýyshtardyń baǵasy birden 8%-ǵa arzandaǵany tirkeldi.
Sarapshylardyń pikirinshe, maýsymdyq kókónisterdiń arzandaýyna naryqtaǵy usynystyń artýy men ónimniń mol jinalýy áser etken.
Alaida jekelegen taýarlardyń arzandaýyna qaramastan, jalpy infliatsiia deńgeii joǵary bolyp qalyp otyr. Bul azyq-túlikke jatpaityn taýarlar men túrli qyzmetterdiń qymbattaýymen bailanysty.
