Ulttyq statistika biýrosy Qazaqstandaǵy kýrorttar men shipajailardyń menshik iesi týraly aqparat usyndy, - dep habarlaidy Dalanews.kz Massaget.kz-ke silteme jasap.
Qazaqstanda 300-den asa kýrort pen shipajai bar, sonyń ishinde:
- 288 uiym (86,5 paiyz) - jekemenshik,
- 44 uiym (13,2 paiyz) - memlekettik,
- 1 uiym (0,3 paiyz) - sheteldik menshikke tiesili.
Eń kóp memlekettik shipajai Qyzylorda oblysy men Almatyda ornalasqan.
Jekemenshik nysandar boiynsha Túrkistan oblysy men Shymkent kósh bastap tur. Jalǵyz sheteldik sanatorii Soltústik Qazaqstan oblysynda ornalasqan. 41 shipajai jeke kásipker retinde tirkelgen.
Aita keteiik, 2024 jyldyń sońynda Týrizm jáne sport ministrligi Qazaqstanda jańa kýrorttar paida bolatynyn habarlaǵan bolatyn.
